Í dag 18. nóvember 2008 er Kompan 10 ára.
Það finnst mörgum sjálfsagt talsvert merkilegra en mér en það má ekki misskilja mig þannig að ég sé ekki ánægð með það! :-)
Þessi tímamót eru mér sérstakleg ánægjuleg að því leiti til að ég hef náð markmiði sem ég setti mér í upphafi. Svo nú er bara að setja sér ný!
Ég get ekki látið hjá líða að þakka öllum þeim sem hafa stutt mig í gegnum tíðina með ráðum og dáð, hvatt mig áfram og verslað við mig, því án ykkar væri þetta vissulega ekki hægt.
Takk fyrir mig.
kv. Herdís

Gleðilegt nýtt ár og kærar þakkir fyrir viðskiptin á nýliðnu ári.
Það er þegar farið að spyrja um námskeið á næstunni, þau koma!
Margt verður að venju í boði og vonandi finnur fólk eitthvað við sitt hæfi.

Það hefur verið líf og fjör á námskeiðunum hjá okkur i Kompunni að undanförnu, en fyrsta Gimbanámskeiðinu lauk núna fyrir helgina á fimmtud. 1. nóvember. Vegna mikilla vinsælda ætlum við að bjóða uppá annað námskeið núna í nóvember ´07.
Gimbanámskeið verður haldið 20. og 27. nóvember. Þetta er 1 námsk. = 2 kvöld.
Einnig verður boðið uppá fleiri námskeið í vatnslitun (sem er afskaplega vinsælt og skemmtilegt námskeið) en þau verða haldin 12. 13. og 19. nóvember
Ef þið hafið áhuga á því að vera með okkur á skemmtilegum námskeiðum þá hafið samband í Kompuna í síma 453 5499.

Keramikmálunarnámskeið var haldið á Sauðárkróki 23. okt. Góð þátttaka var í námskeiðinu og gekk mjög vel. Keramik er alltaf vinsælt fyrir jólin og margt fallegt er til í hillunum í Kompunni til að mála. Ef ykkur langar að koma á námskeið  og læra að þurrbursta á keramik þá ekki hika við að hafa samband. Væntanlega verður eitt námskeið í viðbót sett upp fyrir jólin.

Það fór vel af stað Gimb námskeiðið hjá okkur á fimmtudagskvöldið 25. okt. Góð mæting og núna eru nemendur í óða önn að vinna heimaverkefnin sín til að geta klárað næsta fimmtud. hjá okkur. Gimb er fljótlegt að læra og afskaplega fallega hluti hægt að Gimba ss. barnateppi, trefla og dúka svo eitthvað sé nefnt. Kennari á námskeiðinu hjá Kompunni er Friðfinna Lilja Símonardóttir.

Beðist er velvirðingar á texta og myndabrengli sem hrjáir heimasíðuna þessa síðustu daga! verið er að vinna í smá bilun sem upp kom, einskonar tæknilegir örðugleikar!  Vonum það besta með framhaldið.

Takk fyrir frábært námskeið í Taumálun sem fram fór laugard. 20. okt. ´07 á Sauðárkróki. Það voru 6 konur sem tóku þátt. Kennari á námskeiðinu var Kristlaug Pálsdóttir frá Engidal í Bárðadal sem er alveg einstaklega flink að mála og frábær kennari. Kann ég henni mínar bestu þakkir fyrir frábært samstarf og vona að nemendurnir hafi notið þess eins og ég. Það er mjög trúlegt að við Kristlaug verðum með annað námskeið strax eftir áramótin. Myndir af námskeiðinu og hlutum sem Kristlaug hefur málað eru væntanlegir á heimasíðuna mjög fljótlega :-)

Skoðið nýja námskeiðstöflu í undirsíðunum hér til vinstri á síðunni. Margt spennandi í boði. Endilega hafið samband ef þið hafið áhuga. Verið hjartanlega velkomin.